NINNU KATHUNNA KADAL | നിന്നു കത്തുന്ന കടലുകൾ

അമ്മേ എന്ന ഉച്ചത്തിലുള്ള വിളിയോടെയാണ് ജോളി ചിറയത്ത് ജീവിതകഥ എഴുതിത്തുടങ്ങിയത്. അത് വെറും വിളിയല്ല, നിലവിളി തന്നെയാണ്. ജീവനും ജീവിതത്തിനും സ്നേഹത്തിനും സുരക്ഷിതത്വത്തിനും വേണ്ടിയുള്ള അപേക്ഷയാണ്; സ്നേഹിക്കാനും സ്നേഹിക്കപ്പെടാനുമുള്ള ആദിമ ചോദന തന്നെ. എവിടെയാണ് എന്റെ അമ്മ എന്ന ചോദ്യം സ്വാഭാവികമാണ്. ഏതു കുട്ടിയും ചോദിക്കാവുന്ന ചോദ്യം. എന്നാൽ, ആരാണ് എന്റെ അമ്മ എന്ന സംശയം സ്വാഭാവികമല്ല. അസ്വാഭാവികമായ ആ ചോദ്യത്തിൽ നിന്ന് ജോളിക്കു ജീവിതം തുടങ്ങേണ്ടിവന്നു. കത്തുന്ന ഒരു കടലായാണ് ജോളി അമ്മയെ ആദ്യം മുതൽ കാണുന്നത്.